意頭與水上人

【攞個意頭】

意頭為中國文化獨特嘅一部分，平時喺我哋日常生活中長輩都會提我哋唔好做乜或者唔好講啲乜／觸及禁忌。例如農曆新年要着穿啲鮮色衫就會令個人更精神更有魄力，唔可以買「書」因為同「輸」同音，「唔老黎」。咁大家又有無諗過香港嘅漁民佢哋又點看待「意頭」呢樣嘢呢？等小編話俾你知啦！

【意頭與水上人】

因為水上人要經常出海，所以佢哋對「意頭」同陸地人比係有過之而無不及。出海天氣莫測，時陰時晴、大風大浪嘅海上環境令佢哋嘅作業充滿未知之數。除咗本身做好安全措施，都會用唔同嘅方法祈求事事順利。水上人多拜洪聖爺、天后娘娘，祈求出海平安。每逢農曆二月十三日「洪聖爺誕」同三月廿三日「天后誕」，水上人都會留喺避風塘，並係誕期內「埋街」 舉辦慶祝同祭祀活動。街上人眼中老土嘅人名，如「帶喜」、「帶好」等，都有「求幸福」嘅意思。所以老土背後，都蘊含著水上人對於出入平安嘅願望。

【上咗岸都要風調雨順】

房協喺香港仔建成第一個廉租屋村，漁光村，並以漁民眼中嘅美好事物命名該村5座樓宇，分別為白沙、順風、海港、靜海及海鷗，供水上人上岸生活。所以政府都用咗同香港仔有關嘅名做樓宇嘅名，例如靜海樓同順風樓象徵風平浪靜；海鷗樓就看到海鷗意味著安全抵達岸邊，象徵著不屈不撓、搏擊風浪、勇敢且無畏嘅意義；海港樓：香港仔係傳統漁港，水上人靠海吃海，水上人嘅故鄉，就係海。另外，白沙樓，沙白色則多係貝殼同珊瑚礁風化沈積而成，只會在海邊出現，代表乾淨純粹。

【靠山食山，靠海當然要「食海」】

漁民居住嘅「住家艇」上無現代化嘅供水系統，所以就衍生咗售賣) 食水嘅「水艇」。「水艇」 嘅水係喺水務署購買嘅，然後再賣俾漁民同艇戶，售價按輸水嘅時間而定。水上人就好似截的士咁截著「水艇」嘅船家就可以「上水」啦。而「上水」，意思是把水運到船上。漁民唔會講「買水」，因為淨係喺長輩去世嘅時候，長子先至會「擔幡『買水』」(道教儀式之一)。講多少少，平日要用水煮飯、洗衫同沖涼， 水上人就需要用水桶將水舀出來。至於無能力買水嘅艇戶，就將大大小小嘅水桶放係「舢舨」上，然後「埋街」去公眾水喉盛水返艇，再運返「住家艇」儲存。

【民以食為天，水上人都一樣】

水上人會食年糕，蒸年糕就如一場儀式，恭謹慎重。佢哋認為年糕是好隆重嘅事，愈大鑊愈勁，所以又叫大籠糕。年糕之禁忌，唔可以「得罪」年糕：有人話年糕好小器，聽到唔啱聽嘅嘢就會蒸唔熟或者過火，所以蒸嘅時候要落布幕，唔畀路人睇到，唔可以多口問問題，連讚個年糕蒸得點樣點樣都唔可以。所以小朋友都唔可以走近，煮嘅人大部分時間都要收嗲，總之就係要不恭不敬 。喺製作過程，一開頭係幾多個人做就幾多個人，唔可以中間加人減人，一定要齊頭齊尾。要守喺灶邊加水加柴，一定要有個人睇住，唔可以離開灶頭，目的都係為咗避免開罪年糕，蒸唔熟或者過火。喺平時飲食方面，水上人食魚嘅時候係唔可以成條魚反轉嘅，因為呢個動作有如「反艇」，帶嚟唔好嘅意頭。

水上人嘅文化同香港文化環環緊扣，作為香港人又點可以唔知。小編就覺得意頭呢家嘢，信則有不信則無，唔啱聽嘅咪當聽故仔囉！

#香港仔 #香港仔避風塘 #鴨脷洲 #香港歷史 #香港城巿 #住家艇 #水上人 #艇仔粉 #舢舨遊 #aberdeen1773 #aberdeen #浪遊漁港1773 #意頭 #習俗 #禁忌 #香港仔建築 #漁光村 #意頭 #討吉利 #香港漁民