上個禮拜颱風襲港，唔知大家有無期待颱風嘅來臨，唔洗返學返工呢？喺大家關心颱風情況之際，唔知你的哋又知唔知其實打風同漁民係住息息相關呢。就好似「掛波」、「落波」等嘅用語其實都係出自水上人口中架！
其實大家一向講開「掛波」同埋「落波」係源於以前天文台同漁夫、水上人溝通的嘅方法。1884年開始，香港天文台總部同警署等部分政府建築物均設有「信號站」，以向海港內船隻提供熱帶氣旋的信息。初時採用一套以圓柱形、球形和圓錐形為信號的系統，向港內船隻發布關於熱帶氣旋嘅消息。係發出熱帶氣旋嘅時候，「風球」就會喺唔同嘅信號站懸掛，而天文台就會因應不同風勢掛除不同嘅風球，所以平時大家講開八號風球、十號風球，明明都無個波係度，咁做咩叫風球呢，其實就係咁解。喺風球結束時，當除下風球，漁民會以「落波」去稱呼。現時呢啲詞彙已經深入民心，成為咗日常香港人嘅用語。
隨著時代嘅進步同電子媒體嘅大眾化和普及，一個又一個嘅信號站陸陸逐逐退任，難抵時代嘅洗禮。直至2001年尾，最後一個信號站——長洲信號站結束運作，同時「晚間燈號標誌」系統亦廢除，從此以後懸掛風球呢個動作就正式成為歷史。僅餘嘅信號站仍然可以喺尖沙咀1881搵到，大家都經過嘅話可以上去望下，親身觀賞信號站嘅真跡。
Comentários